أقدر أقول إني مره معجبة بـ فيدا هوتيل في وسط دبي اللي على بوليفارد محمد بن راشد ..

ديكور الفندق مرة جميل وألوان باستيل هادية ورايقة وثيم الفندق مره شبابي واللي أوحالي بهذا الشي طريقة الفرنت دسك وكمان البزنس سنتر اللي مفتوح وكله كمبيوترات الماك من شركة أبل، الفندق مره ستايل وعصري مع إنه قبل كان قمر الدين اللي ديكوره كان مره شرقي .. يعني النقله مره كبيرة من الشرق للغرب .. بس نقله موفقه لأن التغيير مره جميل جميل جميل ..

أنا ما قد سكنت في الأوتيل بس كنت جاية أتغدا في مطعم اسمه ” لا سير ” اللي قد كتبت عنه موضوع في المدونة من قبل .. المهم إني قلت خليني أدخل من عند الفندق وأتفرج عليه .. لأن مطعم “لا سيري” موفر خدمة صف السيارات من بوليفارد محمد بن راشد يعني ما يحتاج أدخل للفندق من الخلف .. بس مثل ما قلت لكم حج وقضيان حاجه .. دخلت وشفت الفندق اللي مره عجبني وصرت تقريباً كل أسبوع لازم أمر أما أفطر أو أتغدا أو أتعشى ..

مين واقع في غرامه مثلي ! يعني تحبون القعده فيه والإطلالة اللي يطل عليها مثلي ؟

vida1