كل مرة أكون في بوليفارد محمد بن راشد في منطقة داون تاون دبي يلفت نظري التجديدات اللي قاعدة تحصل في فندق ” قمر الدين ” سابقا واللي الحين عرفنا إنه صار ” فيدا – FIDA ” وهي المجموعة الجديدة اللي أطلقتها شرطة إعمار كسلسلة فنادق 4 نجوم ديلوكس ومجموعة إعمار معروف عنها إنها قبل 5 سنوات أطلقت سلسلة فنادق ” العنوان – The Address “.

والتجديدات مرة مثمرة لان من أول قمر الدين كان كأنه معزول عن بوليفارد محمد بن راشد الحين صار يطل بالكامل على البوليفارد وبواجهات زجاجية جميلة..

في إنتظار الإفتتاح اللي قالوا إنه في شهر يونيو .. ونروح نتغدا أو نتعشى في أحد المطاعم سواء الياباني أو الفرنسي اللي حسب ما عرفت منهم البارح من ” سوق السفر العربي ”  اللي مقام حالياً في مركز دبي الدولي للمؤتمرات والمعارض.