تغطية الوجهاتسفر

يوم كامل في وسط مدينة دبي .. وجولة في حافلة بوليفارد محمد بن راشد

أمس ولأن الجو في دبي ما ينوصف من كثر ماهو جميل ورائع .. قررنا إننا نتفسح فيه مثل السيّاح في منطقة وسط مدينة دبي وبالتحديد في بوليفارد محمد بن راشد ..

أول شي تمشينا في البوليفارد وبعدين تمشينا على رجولنا في المدينة القديمة وبعدها ركبنا حافلة البوليفارد السياحية وكان مع التذكرة .. عروض خصم 20٪  أكثر من مطعم في فندق المنزل والعنوان وكمان ضيافة شاي أو قهوة عربي في ذا بافليون داون تاون .

الجولة في الحافلة جميلة وسعرها للشخص الواحد ٥ درهم ليوم كامل يعني من 10 صباحاً إلى 10 مساءً .. أهم شي تكون التذكرة معكم عشان لو بغيتو تتنقلون في النهار والليل تقدرون تركبون الحافلة في أي وقت خلال اليوم الواحد..

بعدين تغدينا في مطعم اسمه “هوليوود برجر – Hollywood Burger” .. جلسة الخارجية حلوة  والبرجر مش بطال بس الفرايز ما كان ذاك الزود ..

وبعدين أخذنا كريب بالموز من كشك اسمه رويال كريب ..  زين طعم الكريب .. بس على كريب وعلى الواقف من كشك و بـ 30 درهم شفت إنه مرة كثير !

وإتجهنا بعدها على ذا بافليون عشان ناخذ الشاهي الضيافة اللي مع التذكرة .. وكثر خير منهو خيره .. وبيّض الله وجه إعمار على هالشغل المحترم اللي في وسط مدينة دبي الجديد .. اللي بمجرد المشي في المنطقة تعتبر نزهه ..

ومن المشاهد الممتعة وجود الخيّالة من شرطة دبي اللي كل يوم يتمشون في بوليفارد محمد بن راشد.

والجو من كثر ماهو صافي استمتعت وأنا ألتقط الصورتفضلوا شوفوها وشوفوا جمال البوليفارد في الجو الصافي.

الوسوم

مقالات ذات صلة