أهني شعب الكويت على “شركة محمد حمود الشايع” .. بصراحة توسعة الأفينيو الجديدة ما حصلت .. كنكم تقولون نقل الطابع الأوروبي على شوية أمريكي على عالمي للكويت .. ديكورات مافيه أجمل من كذا .. يعني كني في شارع الإستقلال أو في إستينيا بارك اسطنبول .. أو كني في لندن أو بيكستر فيلج اللي جنب لندن أو كني في ذا هيرتج في هونغ كونغ أو  كني في ميركاتو بدبي أو ساحة تونس في إبن بطوطة مول أو ذا فيليج في دبي مول أو كنه ريديو درايف في لوس أنجليس .. شي يبّض الوجه صراحة ..

المجمع صاير كأنه في الهواء الطلق كل محل له ستايل خاص فيه بس مغطى بزجاج من فوق ومكيف .. يعني في فترة النهار بيكون المجمع مكان جميل جداً.

وحسب ما قريت إن فتح فيه متجر هارفي نيكلز اللي واللي لأول مرة يفتح في الكويت وكثير من المطاعم تفتح لأول مرة في الكويت وكمان محلات التجزئة اللي أغلبها وكيلها شركة الشايع نفسهم أصحاب المركز.

وهذا الإفتتاح ماهو إلا مجرد جزء من باقي الأجزاء اللي بيتم إفتتاحها تباعيا وهي برستيج والمجمع وسوكو والسوق والبازار وتقدرون تقرون عن كل قسم في مدونة جست سيلكتف “الأفنيوز”.. أحد أرقى المجمعات التجارية في العالم“.

ما أقول غير تتهنيون يا أهلنا في الكويت بهالمركز الرائع الراقي الجميل وعقبال ما نشوف هالمستوى من المراكز اللي تطلق الوجه في رياضنا الحبيبة ..

الموقع الرسمي للمركز : www.the-avenues.com