سفر

القرية العالمية .. توسع الصدر

القرية العالمية من أشهر الأماكن السياحية بمدينة دبي واللي دايم تفتح 4 شهور في السنه وقت الجو ما يكون رائع في دبي لأنها عبارة عن منتزه ومدينة ملاهي واسواق من كل حدب وصوب وفي الهواء الطلق.

أول البارح رحنا للقريه العالمية قلنا نتمشى ونشوف وش الجديد مع ملاحظة إني من 2007 ما رحت لها .. يعني مدة إنقطاع مش هينه

بس يوم رحنا أول أمس مره فرقتها .. بصراحة صارت أكثر تنظيم وأكثر سهولة في التنقل بين كل قريه وقريه والأكشاك مره صارت كثيرة ,, يعني التطور واضح والمجهود المبذول يشكرون عليه .. لأنها رغم الزحمة إلا إنه في إنسيابية في الحركة.

أنصح اي أحد ما شاف القرية العالمية إنه يروح لها ويتفرج ويتسّوق لأن فيها لقايط ..

ولا تنسون المكاسر .. يعني ما تاخذون بالسعر اللي يقول لكم عليه لين قالكم ميه قولو خمسين وكذا يعني 🙂

ولا تنسون زيت الزيتون واللبنة من القرية الفلسطينية مره تجنن وجربو الشاي كرك وهي عباة عن شاي بحليب مع هيل وزعفران .. طعمه زين للي يحب الشاهي بالحليب

وفيه بسكليتات كنها تكتك توصلك بين البوابة وبين المواقف بـ 5 درهم لأن المواقف بعيده عن البوابات

ورسم الدخول 10 درهم ويوم الإثنين عوايل بس

وفيه العبره بس عاد هذي ما ركبناها فعاد ما أعرف السعر .

وهذا جناحنا “حيو السعودي حيوه” 🙂 مرتب وحلو وساعة مكة في الزاوية جميلة وأعطت ثيم للجناح.

وترا هذا الموضوع اللي خلاني أكتب أقول إني استحي أصور

الوسوم

مقالات ذات صلة