الشهر الماضي وبالتحديد في آخر اسبوع من أكتوبر 2016، ذهبت برحلة سريعة إلى فرانكفورت .. للراحة والإستجمام بعيدا عن صخب الحياة اليومية.

حجوزاتنا كلها كانت عن طريق وكالة سفر وسياحة رائعة جدا اسمها اليجانت ريزورتس، وهذي الشركة هي في الاساس بريطانية ولها أكثر من 30 عام في هالمجال وهي متخصصة بالسفر الأنيق.

يعني اللي يبغى يرتاج ولا يشيل هم يتعامل معاهم، صحيح هم أغلى من شوي عن باقي الوكالات ولكن تعتبر التكاليف مستحقة نظرا للخدمة الجميلة والمتابعة المستمرة والإلتزام والمرونة في نفس الوقت وتواجدهم في منطقة الخليج العربي عن طريق الشركة السعودية “الطيار للسفر والسياحة” ومكتبهم موجود بفيلا في شارع جميرا.

حجزاتنا كالتالي: السفر كان عن طريق طيران الإمارات أما السكن اقدر أقول أنه هو نجم الرحلة لأنه فندق رائع جداً وبصراحة إختيار موفق وهو فيلا كِنِدي فرانكفورت – روكو فورتي، واللي أقدر أقول إنه أضاف لنا كثير من الراحة والمتعة بجماله وضيافتة الممتازة .. الإستقبال من المطار عن طريق سيارة فاخرة من طراز BMW، وإجراءات الدخول بمنتهى السرعة والغرف وسيعة وديكوراتها مريحة جداً، وخدمة الغرف سريعة.

بعد ما وصلنا الفندق في الصباح ودخلنا الغرفة .. على السريع تجددنا عشان نذهب في رحلة استكشافية للمدينة اللي أول مرة أزورها في حياتي.

موقع الفندق مميز يعني 10 إلى 20 دقيقة سير على الاقدام لكل مناطق الجذب السياحية، وهذا اللي اعتمدنا عليه في رحلة اقدر أوصفها بانها مختلفة عن باقي رحلات وين ؟ اللي أكون أكون مذاكرة لها وعندي معلومات وافرة أو تكون دعوات عن طريق هئيات السفر السياحة.

هذي المرة قلت برتاح وبتمشى في المدينة بهدف الاستمتاع بالمناظر المحيطى والانسجام مع مع الطبيعة والتلذذ بالطقس البارد، والحمدلله المدينة كانت مثل ما توقعتها وأجمل لانها مدينة صغير وكل شي فيها قريب من بعض وفكرنا نمشي ونستكشف ونشوف كل شي وصادفنا الحدائق والاسواق والمقاهي والمدينة القديمة والجسور اللي نعبر فيها النهر .. وأكثر شي أثار إهتمامي ألوان الشجر الخريفي بتدرجات الطيف من أصفر وبرتقالي وبنفسجي ..

وبالرغم من إن فرانكفورت تشتهر بأنها مركز للمال والأعمال وهي تعتبر العاصمة الإقتصادية لألمانيا إلا أني وجدت فيها جانب سياحي جميل وكمان استمتعت جدا بالهدوء الموجود بالمدينة ومرت الأربعة أيام اللي قضيناها فيها مثل البرق بس الحمدلله استفدنا كثير لاننا تسوقنا زين ما زين وكما زرنا متاحف جميلة كانت على طريق ذهابنا لمنطقة وسط المدينة مثل متحف الفاين آرت ومتحف التاريخ وكمان زرنا بيت غوته الفيلسوف الألماني الشهير واللي يقع بالقرب من ميدان رومربيرغ اللي تعتبر من أجمل مناطق فرانكفورت بطابعها المعماري الفريد.

وزيارة بيت غوته كانت في آخر يوم بعدها على طول على المطار بواسطة سياة مرسيدس فاخرة من اللي يوفرها الفندق لضيوفه.

فرانكفورت الألمانية من المدن اللي حبيتها وهي مناسبة جدا لمدة 4 أيام أو أسبوع لأنها صغيرة وممكن استكشافها بالكامل.

وتقدروت تشوفون فيديوهات الرحلة اللي صورتها سناب شات وكانت عبارة عن يوميات عن طريق حسابي في يوتيوب:

www.youtube.com/user/HalaAljurayed

وهذي بعض الصور اللي إلتقطتها بعدستي للمدينة والفندق:

frankfurt8 frankfurt3 frankfurt7 frankfurt6 frankfurt2 frankfurt5 frankfurt4 rocco-forte-villa-kennedy-frankfurt rocco-forte-villa-kennedy-frankfurt6 rocco-forte-villa-kennedy-frankfurt5 rocco-forte-villa-kennedy-frankfurt2 rocco-forte-villa-kennedy-frankfurt4 rocco-forte-villa-kennedy-frankfurt3 rocco-forte-villa-kennedy-frankfurt7 rocco-forte-villa-kennedy-frankfurt8 frankfurt9