عطلة نهاية الأسبوع الماضي رحت أجرب فندق فيدا وسط دبي، الفندق اللي أتوقع إن كل من يتابعني يعرف قد إيش أنا أحبه لأسباب كثيرة أولها موقعه العجيب على بوليفارد محمد بن راشد في داون تاون دبي أرقى كيلو متر مربع في العالم.

والسبب الثاني التجديد الشبابي والأنيق في الديكور والخدمة للفندق بعد ما كان اسمه “قمر الدين” وكان كلاسيكي بديكورات شرقية مثل فندق “العنوان ذا بالاس”، تغيّر تماماً وصار أجمل وكمان صار له مدخل من البوليفارد بعد عملية التجديد المذهلة اللي حصلت للفندق.

والفندق بعد التجديد صار يضم أكثر من مطعم وهم المطعم الفرنسي لا سير، اللي عملت له موضوع قبل كذا في المدونة، وكمان مطعم توكو الياباني اللي يعد واحد من أفضل المطاعم اليابانية في دبي وعملت له تغطية في سناب شات wainblog.

عند وصولي للقندق عجبني جداً سرعة تسجيل الدخول واللي كانت عبارة عن كتابة اسمي ورقم هاتفي على آي باد الفندق والتوقيع على الآي باد كمان .. وفي ظرف دقيقتين كانت موظفة الإستقبال معطيتني مفتاج الغرفة.

ويم دخلت الغرفة لاحظت إنها مربعة وعشان كذا أعطت رحابة، وديكوراتها بسيطة وناعمة وألوانها ترابية هادية وجميلة، شاملة كل التجهيزات مثل آلة صنع القهوة.

وهذي صور الغرفة:

وأجمل شي التليفون اللي أول ما فتحته طلع لي فيلم تسجيلي بشخصية كرتونية اسمه “جيرمي” يعطينا ارشادات حول استخدام كل شي في الغرفة و طريقة طلب الطعام و الغسيل وكل شي ما يحتاج تلفون كله بواسطة التلفزيون وبدون تدخل بشري.

وحنا وصلنا يوم جمعة عشان كذا على طول إنطلقنا على البيكنيك براش اللي يقام في هذا اليوم من كل أسبوع ولاحظت أنو فيه جنب المطعم مكان صغير وصاد فيه تلفزيون ولعبة بلاي ستيشن عشان لو أحد معاه أطفال ممكن يتسلون فيها.

أرجع للبرانش اللي يتميز بطابع ريفي كأننا في مزرعة أو حديقة، ويقدم البرانش بطريقة مبتكرة وهي سلة مع بساط وممكن نختار أي شي من البوفيه ونروح نجلس بجانب حمام السباحة اللي تنتشر حوله كباين صغيرة تكفي لشخصين، والأطعمة الموجودة في البوفيه اللي فيها كل ما لذ وطاب من المقبلات والمخبوزات الطازجة من الفرن والساندويتشات والمعجنات والسلطات والعصائر أما الأطباق الرئيسية فطريقتها أنو على كل طاولة فيه قائمة فيها مجموعة متنوعة من البانكيك والبيض والفرنش توست وممكن كل شخص يختار طبقين من الأطباق الساخنة.

vida-downtown-dubai32

ما أقدر أقول على بيكنيك براش يوم الجمعة إلا إنه أكثر من رائع وينبض بالحياة لأنه مشهور جداً في دبي والكل يتعنى ويجيله لأنه يقدم تجربة رائعة لك الزوار.

vida-downtown-dubai17

وبعد ما خلصنا البرانش رحنا الغرفة وارتحنا فيها لين المغرب اللي سمعنا الأذان وحنا في الغرفة وهذا شي مره جميل لوجود مسجد زايد بن منصور بالقرب من الفندق، صلينا ونزلنا نتمشى في المنطقة ونشوف وش أقرب بقالة أو صيدلية .. وبالفعل موجود سوق المنزل اللي يبعد خطوات قليلة وكمان فيه ترولي دبي اللي ينقل الركاب من فيدا إلى دبي مول مروراً بسوق المنزل وسوق البحار، وسوق المنزل فيه كل شي يهم السكان من سوبر ماركت وصيديلة وكوافير ومطاعم وغيرها وكمان سوق البحار الخيارات فيه أكبر، وبعد ما رجعنا من جولتنا رحنا عشان نرتاح شوي ونشرب عصير في مطعم اللوبي اللي اسمه “ستيج 2“، اللي يوجد فيه مساحة خارجية مع مراوح في السقف واللي زادت من جاذبية التراس.

vida-downtown-dubai44

vida-downtown-dubai45

وتالي الليل واعدنا صديقاتنا ورحنا نتعشى في مطعم “3in1“، اللي الأطعمة الأوروبية والشرقية في البداية طلبت سلطة يونانية وبعدين إخترت سمك السلمون المشوي والختام مع أم علي والقهوة التركية، تجربة جميلة عشناها في المطعم اللي يتميز بالخدمة الجيدة والأجواء الهادية.

وبعد هاليوم اللي أعتبره استرخاء في الفندق وراحة بعيدة عن كل مشاغل الحياة .. رحت الغرفة وهي نومه إلين الصبح، ولأن الغرفة يجي معها فطور مجاناً في مطعم الفندق يقعد لين الساعة 11 صباجاً .. نزلنا للفطور وكان كمان بوفيه بس مختلف عن البيكنيك برانش اللي كان له طابع مميز، وحتى الفطور مميز بالأصناف العديدة والمنتشرة في كل الزوايا وبنفس الطريقة البوفيه للمقبلات والمخبوزات والحلويات أما الأطباق الساخنة نختارها من القائمة الموجودة على الطاولة وأنا إخترت أمليت فيدا لذيذ جداً وصحبتي إختارت بانكيك وقالت إن طعمها لذيذ.

vida-downtown-dubai54 vida-downtown-dubai55

وقبل لا أطلع من الفندق خطفت رجي للدور السادس عشان ألقي نظرة على نادي اللياقة البدنية المجهز بالمعدات والآلات الرياضية.

وإنتهت الرحلة مع الإجراءات تسجيل الخروج من الفندق بمنتهى السهولة والسرعة .. فندق جميل وأنيق ومريح وعملي وموقع لا مثيل له في دبي .. استمتعت في إقامتي، وكمان أنصح الجميع بالإقامة فيه للمزايا اللي يحظى فيها من خدمة مميزة وأجواء مريحة.

vida-downtown-dubai vida-downtown-dubai71 vida-downtown-dubai78

وكمات صورت بكل مباشر كل التجربة على سناب شات: wainblog ، واللي ما شافها لأنها محددة بوقت 24 ساعة فقط فأنا نزلتها كما على اليوتيوب توقدرون تشوفونها في حسابي على اليوتيوب: