أبوظبي من المدن اللي صار لها معزة في قلبي .. حبيت الهدوء وحبيت التجديدات الكبيرة اللي قاعدة تحصل في العاصمة الإماراتية.

ومن خلال رحلاتي الكثيرة لها جربّت أكثر من فندق وبصير أكتب في المدونة عن تجربتي في الفنادق مو بس للمطاعم والبداية مع هذا الفندق الرائع واللي ما له سنة من يوم ما إفتتح في الجزيرة الجديدة هي كمان وهي جزيرة المارية اللي فيها مركز الغاليريا الراقي والرايق في مربعة الصوة.

في البداية ومن خلال موقعه المييز هو في الدرجة الأولى متوجّه لرجال الأعمال وفي الدرجة الثانية للراغبين بالتسوق الراقي لإلتصاقه بمركز الغاليريا الراقي وأخيراً اللي حابين الهدوء والراحة في مكان راقي لأن جزيرة المارية فيه هدوء جميل جداً.

وكمان اللي يبغى البحر والإستجمام على شواطئ أبوظبي الرائعة، الروزوود مانسوا إنهم يوفرون خدمة التنقل من وإلى شاطئ مونتي كارلو في جزيرة السعديات من خلال إتفاقية يستطيع من خلالها إن كل نزلاء الروزوود يستمتعون بخدمات الشاطئ مجاناً.

و من خلال تجربتي للفندق وتقييمي له من الألف للياء وبحكي لكم عنها وبالنسبة لي أهم في أي فندق هو الإستقبال، واللي كان على أفضل حال في روزوود أبوظبي، تم استقبالنا بكل حفاوة وترحيب ودقايق إلا حنا في الغرفة مع مضيفتنا اللي شرحت لنا كل شي في الغرفة وعن الإستخدام وأعطتنا البطاقة الشخصية لها في حال إحتجنا أي شي.

الغرف وسيعة وديكورها عصري ومريح جداً القنوات التلفزيونية كثيرة والإطلالة جميلة على البحر وعلى مركز الغاليريا بس فيه كان أعمال إنشائية لفندق الفوزسيزنز اللي بيكون على الطرف الثاني من مركز الغاليريا.

الحمام جيد ومثله مثل كل الفنادق الحديثة يطل على الغرفة والغرفة مجهزة بكل التقنيات الحديثة مثل الآي باد وغيرها وكافة وسائل الراحة.

في الصباح كانت وجبة الفطور متضمنة مع حساب الغرفةونزلنا نفطر في مطعم “أكوا Aqua”، اللي كان مره سَفَر مع الصبح وأشعة الشمس، وكان بوفيه الفطور متنوع والمذاق شهي والخدمة جميلة.

وبعدها كان لا بدن من النزول لمركز الغالريا للتسوق والتمشية.

بصراحة استمتعت جداً في الإقامة بهذا الفندق الراقي واللي من جد أي أحد بيروح أبوظبي يحطه كخيار راقي وهادي وجميل ..
rosewood2 rosewood3 rosewood4 rosewood5