من اسبوع تقريباً رحت الرياض على متن طيران الإتحاد واللي حجزت عن طريقه بفضل أسعارهم المدهشة وخدمات الرائعة اللي يقدمونها..

والحلو كمان إن فيه مواصلات من دبي إلى مطار أبوظبي عبر سيارات فخمة إذا كنتم من ركاب الأولى أو رجال الأعمال وكمان الدرجة السياحية لهم نصيب من التنقل من دبي إلى أبو ظبي عبر باصات مريحة جداً أو ما ركبنا وزعوا علينا الموية ومناديل معطرة ..

حجزي كان على الدرجة السياحية على طيران الإتحاد ل،هم بصراحة عطوني أرخص سعر في السوق حتى أرخص من طيران ناس اللي تعتبر إقتصادية!

الجميل في تجربة هي إني أول مرة أجرب مبني طيران الإتحاد “Travel Mall” الل في شارع الشيخ زايد وبالتحديد في منطقة الصفا 2.

أول ما دخلت تفاجأت وإندهشت لأن كأني في مطار ولكن مطار مصغّر .. كتكوت مره ! فيه الكاونترات اللي نستصدر منها “بوردنغ” صعود الطائرة وكمان السير اللي ياخذ مننا الشنط ولا عاد شفناها إلا في الرياض أبشركم .. يعني متعاملين مع المبنى كأنه مطار .. مره شي جميل بالإضافة لوجود بوث اللي يمكّن من إستصدار “بوردنغ” صعود الطائرة ذاتيا لو ما كان مع المسافر عفش.

وكمان المبني يضم سوق حرة صغير عبارة عن محل “RELAY” و مطعم جونز ذا غروسر الغني عن التعريف واللي يشتهر بتقديم أطباق ولا ألذ وكمان في هذا المبنى مفتوح 24 ساعة، وصرافة وتحويل عملات مكتب حجز العطلات ومكتب تأجير سيارات ومكتب هلا التابع لطيران الإتحاد و مصلى للرجال والنساء وكمان حمامات أعزكم الله، ومكاين سحب ATM، يعني نقدر نقول إنه مبنى متكامل للمسافر بحجم جداً صغير.

فكرة رائعة وجميلة جداً .. والتجربة أسعدتني كثير ولا حسيت بتعب في السفر الحمد الله لأن مثل ما قلت لكم كل شي ضبطناه وحنا في دبي ويوم وصلنا مطار أبوظبي بس ختمنا الجوازات ودخلنا للسوق الحرة ومكان إنتظار الصعود للطائرة.

وأبشركم .. العودة كانت برضوا على مطار أبوظبي اللي من يوم ماوصلنا لقينا الشنط على السير ما شاء الله و على طول طلعنا ولقينا تكاسي المطار يازينه بعد وهو “مرسيدس” كبير من الداخل جلد ولنه أسود ومكتوب عليه تاكسي المطار .. والسواق لابس قبعة الشوفير .. شكله يوسع الصدر.

كلمة أخيرة .. اللي يبي يسافر  ..يسافر على متن طيران الإتحاد .. عن تجربة .. تراهم ممتازين وأنا أحبهم بعد.