سبحان الله من يجي شهر مايو .. شي يشيلني من كراسيي يقول لي ياهلا قومي تسافري .. ولا أدري وش سر شهر مايو معي، من الله خلقنا كنا نكسر طوله بإننا نطمر لديره قريبه، بس الحين الديار القريبه كلها فيها اضطرابات يعني أقل طمره 4 أو 5 ساعات طيران.

المهم إني الحين في حاله كل ما فكرت أروح ديرة أقوم أطلّع فيها مليون عذروب! ولا عاجبني العجب ولا الصيام في رجب، على قولة لمى (ملايل ملايل ) : )

وليه قلت في العنوان  الصيف .. الصيف .. الصيف .. لأن هذي السنه الصيف قبل رمضان ورمضان وبعد رمضان .. متجزء 3 أجزاء ..

الله يبلغنا شهر رمضان ويعيننا على صيامه وقيامه يارب، بأتوقع الغالبية بيسافرون في العيد عقبه وبيوافق شهر أغسطس، لأن قبله بتكون المده قصيرة وبعد رمضان 3 اسابيع .. يعني فتره كويسه.

فكرت وعجز فيني التفكير وودي تشاركوني في الديار الزينة اللي قد رحتوا لها وعجبتكم وتكون مناسبة في فترة الصيف وقريبة مش بعيدة ويا حبذا بدون فيزا بعد .. قائمة الشروط قامت تطول ..

أكون لكم شاكره لو شاركتوني مقترحاتكم ..