أن من تالي ما عاد أحب إني أنشر حوادث أو كوارث تحصل لمجرد بس كذا .. أوكي أتكلم عن الموضوع لو صار شي وأناقشه وتنطرق له لكن بدون نشر صور وبدون نشر فيديو.

وقبل يومين إنتشر فيديو لحادثة سقوط طائرة الشحن الأمريكية ” ناشونال ” في أفعانستان .. واللي بالصدفة كان فيه أحد يصوّر وتم تصوير الحادثة من البداية للنهاية ..

الفيديو مخيف جداً وراح ضحية الحادث 7 أشخاص هم ملاحين الطائرة ويعتقدون إنه بسبب الحمولة اللي في الطايرة تحركت من مكانها وعشان كذا فقدت إتزانها وسقطت ..

أنا يوم شفت الفيديو حسيت إنه الجو مضطرب وممكن يكون الهو هو اللي قلبها .. وكان ممكن على طول إني اقوم بإعادة نشر الفيديو، لكن أنا الحين أخذت نهج في حياتي إني ما أنشر الكوارث ولا الحوادث ولا المصايب .. يعني لو شفتها  بأتكلم عنها .. إي نعم  .. لكن أنشرها .. صور وفيديو .. طبعاً لا ” !

أوكي أول كنت أنشر .. لكن الحين خلاص ما عاد  أتحمل ..

والغريب إن كثير من الناس تالي همهم الأول مصايب الناس وكوارث الناس وحوادث الناس ! ما أقول إلا .. لا حول ولا قوة إلا بالله ..