معايير البعض قد تكون مادية .. يعني لازم تكون ظاهر للعيان .. حسب وش يبغون يشوفون .. ما يهمهم ما هو داخل الغلاف مع إن اللي داخل الغلاف هو المهم بس هم كل إهتمامهم بالغلاف إذا كان يبرق .. هذا أهم شي .. مع إن الناس تخلف .. مو شرط اللي يثير اهتمامك ممكن إنه يثير إهتمامي .. مثلا فيه بعض الناس السيارة الفارهة هدف بالنسبة لهم ! البعض الآخر ماهي إلا وسيلة .. تقوم بنقله من النقطة ألف إلى النقطة باء .. وهنا يأتي الإختلاف!

إختلاف في المفاهيم .. والمغزى من كلامي لا تحكمون على الناس من الغلاف .. لأن ممكن الغلاف يعطي إنطباع مخالف لما هو عليه هذا البني آدم..
وعندكم مثال سوزان بويل يوم دخلت مسرح برنامج Britains Got Talent .. الكل إستهجن منظرها ويوم قالت إنها بتغني إغنية I Dreamed A Dream ، من مسرحية البؤساء مير ضحكوا عليها ويوم دروا إن عمرها 47 قام “سيمون كويل” رفع حاجبه متعجب .. وكملوها ضحكة يوم قالت إنها تحلم تكون شهرتها مثل إلين بيج .. !

وبعدين يوم صدحت بصوتها .. أذهلت الجميع .. وأذهلت الحكام اللي في البداية قيموها من شكلها بس يوم سمعوها .. اعتذروا لها على ما بدا منهم.

الفكرة إن لا نخلي الماديات والأشياء الملموسة بس هي اللي تطغى على حياتنا ونصبح مثل الآلات والأجهزة اللي نستخدمها .. ولا نخلي حكمنا للناس مادي بحت من مجرد شكله الظاهر ..

حنا بشر .. والمشاعر أجمل شي تحتويه ضلوعنا .. لا نخنقها بيدينا بهالدنيا الزايفه .. ومن بعدين نندم في وقت ما عاد يفيد فيه ندم.

 

وهذا فيديو أداء سوزان بويل في  Britains Got Talent

www.youtube.com/watch?v=RxPZh4AnWyk