يامحاسن الصدف يا لولو ,, يوم ميلادك يصادف مؤتمر شركة أبل السنوي واللي هالسنة من المتوقع إنهم راح يعلنون عن آي فون 5، وطبعا اليوم بنقعد جنب الحيطه وبنسمع الزيطه .. بس أتوقع إن هذا فال زين .. إنتي وآي فون 5 في يوم واحد .. يا وعدك يا هناك !

ولو إني أتوقع إنه يا ما هنا يا ما هناك مهنا شي جديد لأن كل يوم نكتشف إن شركة أبل  تآخذ من الأولين مثل ما أخذت من شركة براون الالمانية !

وبعد هالديباجه اللي أظن إنها ما راح تنفعك في شي .. أقولك .. كل عام وإنتي بخير و العمر كله يارب وكل ايامك فرح .. وموفقة يارب في حياتك والله يكتب لك كل خير ويبعد عنك كل من أراد بك شر ..