مافيه ديرة تجوز لي مثل ما لندن تجوز لي وتجوز لكثيرين غيري ومو بس حنا يالخليجيين إلا العالم كله .. لندن تعتبر إيقونة بالتفرد بكل شي وهذا اللي يميزها.

يعني الحين بعد كم يوم راح تبدأ دورة الألعاب الأولمبية ومن ضمن الإستعدادات ولو إنهم في حوسه الحين بسبب شركة الأمن اللي وعدتهم توفر 10000 فرد من عناصر الأمن للحماية ولا قدروا يفرون إلا 4000 فرد ، بس أتوقع إنهم بيجتازون هالمسالة وخصوصا إنهم نزلو من الأمن الحكومي  3000 عشان يسدون العجز.

المهم من الأشياء اللي لفتت نظري وبس في لندن هي المسارات وشوفوها في الصورة!

يعني مسار خاص باللي يروحون للألمبياد عشان تلافي زحمة السير اللي مشهودة في لندن .. ياعيني على الإنجليز .. يلوموني فيهم وفي تنظيمهم .. وللمعلومية الإنجليز هم أول من سن قانون الطابور يعني في بدايات القرن كانت فوضة .. قاموا سنوا قانون بالطابور وفرض غرامة على اللي ما يلتزم .. والآن ثقافة الطابور في كل العالم والناس إرتاحت 🙂

وأهم شي إن الناس ملتزمة بالقانون ومحد يمشي في الخط دامه مو رايح للألمبياد .. يجون يشوفون عندنا في الرياض .. ما أقول إلا الله يصلح الحال يارب 🙂