تجيكم السالفة

مدونة مشهورة تنسخ أغلبية مواضيع جست سيلكتف justSelective.com !

أنا مره ضايق صدري .. لأننا نكتب أنا وصديقاتي في موقع جست سيلكتف  وفيه مدونة مشهورة كل ما ترجمنا موضوع أو نسقنا خبر أو سوينا أي شي تجي هي على الجاهز تاخذ تعبنا ومجهودنا و بدم بارد تعمل قص ولصق وتحطه على طول في مدونتها .. تنتظرنا وش نكتب عشان تاخذ شغلنا ..

أنا مره حزينه والوضع مره ضيّق صدري .. كيف فيه ناس ما تحترم مجهود الآخرين .. ليه ما تقوم هي بمجهودها وتترجم وتعدل وتبحث في النت وتنسق الصور بطريقتها بدال ما تنسخ وتلصق .. حنا ننزل موضوع واحد في اليوم لأننا نحاول ننتقي الافضل وهي تنزل 4 أو6 مواضيع في اليوم لأنها تبحث عن الكمية وتبغى تجلب أكثر عدد من الزوار لمدونتها ولو كان على حساب ومجهود الآخرين..

المشكله إن مدونتها مشهورة وأشهر من موقعنا وماتحتاج للقص وللصق ونسخ مجهود وشغل الناس بس ما أدري ليه متسلّطه علينا .. وكمان أنا أيدت عدم النسخ في موضوع  “دعوة إلى حملة … “إبدع بأفكارك ولا تأخذ أفكار غيرك” وهو من مدونة “Mask Tales” وأرسلت لها عن الموضوع .. وكمان رديت على موضوع من المواضيع اللي نسختها عندها وعلى موضوع “لآلئ كارتيه” بالتحديد وقلت إنه موضوع رائع مع غمزه .. وحطيت رابط لموقع جست سيلكتف .. وتوقعت إنها فهمت .. ولكن اليوم أتفاجأ إنها برضوا مستمرة .. أنا ما أمنعها من إنها تآخذ نفس الخبر ولا أمنعها من شي بس مو بنفس الصياغة حقتي يعني لا تكتب نفس ترجمتي وتنسيقي للخبر .. تروح هي للمصدر وتترجم على كيفها ..

ما أقول إلا حسبي الله ونعم الوكيل .. وأنا والله لا محللتها ولا بايحتها على اللي قاعده تعمله، لأن حرام عليها بصراحة ..

الوسوم

مقالات ذات صلة