تجيكم السالفة

مذاق دبي .. كل مطاعم دبي ذواقات

قبل أمس رحت لمهرجان “مذاق دبي” و هذا المهرجان اللي كل سنة أحرص مره على إني أروح له .. لأنه مهرجان فيه معظم مطاعم دبي الراقية تشارق فيه ويعطونا الأكل ذواقة يعني الأطباق أسعارها 10 و20 و30 درهم بالكثير. ونقدر نجرب أكثر من مطعم بسبب أنو الكمية مرة بسيطة.

طبعا الناس اللي تحب تلاقس وتجمرك صحون غيرها في المطاعم بيجوز لها ذا المهرجان مره لأن كل الأطباق عبارة عن نمانم وذواقات ..

وأنا جربت ريزيتو باللحمة من مطعم بيك اللي في أرماني وكمان جربت سمك سلمون وسمبوسة من مطعم غاوتشو و فطيرة الراعي من مطعم آيفي اللي في بوليفارد أبراج الإمارات وجربت زهرة بالكريمة من مطعم تيبل 9 اللي في هيلتون الخور وجربت ستيك رائع من روثز اللي في فندق مونارك وأخيرا حليت بكيكة بودنغ الكراميل من مطعم رودس اللي في غروفنر هاوس

وكمان فيه شركات كثيرة تعرض منتجاتها اللي تخص الطبح ولفتت نظري عصارة الفواكه من فيلبس شكلها خرافية وجربت عصير الحج بصراحه عجبه يحطون الجهه بفصمها تقوم تطرد الفصم وتآخذ بس الجحه وتعصرها .. والله إنهم ما بقوا لنا شي نخترعه .. مرة جازت لي ووسالت الحرمة وقالت لي إنها متوفره في متاجر بيع الأجهزة الإلكترونية وسعرها تقريبا أو حوالي 800 درهم إماراتي

وكمان شفت شيف خاص عمله إنه يعمل وليمة في بيتك أو في يختك أو في مزرعتك المهم إن شكل شغله مرة مرتب

وكثير شركات تعمل دعاية مجانية لمنتجاتها يعني طول محنا ماشين يعطونا قهوة مجاني ومشروبات طاقة مجانية وهكذاً وكمان كوبونات خصومات على المطاعم..

وفيه فرقة استعراضية وكمان أماكن لترفيه الأطفال وفيه لاونج للي حاجزين تذاكر VIP يقعدون فيه ويريحون .. بيني وبينكم شروا أعمارهم اللي ياخذون تذاكر VIP لأن الكراسي اللي تحت المظلات كلها رايحة والمشكلة إننا رايحين وقت قوايل يعني 1 الظهر بس الجو كان مره حلو بس تحت الظله لأن الشمس شوية حارة

وسعر تذكرة الدخول للمهرجان 75 درهم والأطفال ببلاش والـ VIP 225 درهم.

وأبشركم تصورت مع الطهاة أصحاب مطعم Table9 اللي موجود في هيلتون وهم Scott Price & Nick Alvis

وبالأخير لو طلعتوا وبغيتو ترجعون بالليل للمهرجان مرة ثانية يختمون على يدينكم .. وحبيت أقول أنو عند كشك بيع التذاكر يقبلون البطاقات الإئتمانية، لكن المطاعم داخل المهرجان ما تقبل بس مافيه مشكله لأن فيه مكاين البنوك للصراف والسحب الآلي .. والحين أترككم مع الصور اللي أخذتها من هناك:

 

هذا هو الشيف اللي يعمل ولائم خاصة

وهذي صورتي مع الطهاة Scott Price & Nick Alvis

 

الوسوم

مقالات ذات صلة