تجيكم السالفة

وصلت “دبي” مفلوزه

من الاشياء اللي تضّيق صدري في السفر إني دايم أوصل تعبانه ومفلوزه وخصوصا في فصل الشتاء أو الربيع .. وهالمرة وصلت دبي وفجأة ضلوعي تكسرت وحاسه بخمول غير عادي.

وشوي شوي إلا بديت أعاطس والطامة الكبرى كانت يوم نمت وصحيت وحلقي يعورني وإذني شابه علي .. دريت عقب كذا إني مرضت .. والله مشكله إن كان عقب ذا الأعراض كلها ولا أدري ههههه.

المهم .. أتوقع المشكله من الطيارة يمكن المكيف يكون مره بارد ويصقع في راسي وعقبها أمرض .. لأن مش طبيعي دايم عقب ما أوصل تصير معي هالحالة .. يعني لازم أول أسبوع من السفر نكد وصيدليات .. والحمد لله على كل حال

يعني اخذت ستربسلز وفيتامين سي ومرخت نفسي بفكس و”تغرغرت بمره” .. هذي نصيحة أمي ..والله ينفع بها .. بس إذا ما نفع بآخذ مضاد حق أبو 3 ايام والحمد لله مافيه حراره ..

بس حبيت أتكلم في هالموضوع تخبرون لما الإنسان يمرض أو يفلوز يكثر هرجه ويكثر شرهته على الناس وتكثر فيه أشياء كثيره .. العذر والسموحة 🙂

الوسوم

مقالات ذات صلة