من صحيت الظهر وأنا ماسك في راسي صداع فظيع .. طبعا كلنا نعرف مسببات الصداع الأساسية اللي أشهرها:

-قل شرب الموية

-إذا كان الأنف مسدود أثناء النوم على طول أول ما يصحى البني آدم يحس بصداع رهيب

– إذا كان فيه تلبك في المعده (غثا) يعني .. فهذا يسبب صداع

-أو مؤشر لأن ممكن الإنسان بيجيه رشح أو يفلوز مثلا

وأشياء كثيره

فيه وحده مستوره تقول لي : “صداعك لأنك مكثره سمبوسه هاليومين” ! .. والله مممممم ممكن لأن لين دبيت في السمبوسة الامر أصبح محسوم يا أنا يالسمبوسه!

نرجع لسالفة الصداع .. في رمضان يكون الصداع أكثر من اي شهر ثاني بسبب الصوم .. وقل شرب الموية والحر

الله يكفيكم شر الصداع

بس الحمد لله الحين أخذت لي حبتين بندول إكسترا الأحمر وكني تشاويت..

يالله لك الحمد والشكر .. الإنسان لما يجيه صداع يحس إن الدنيا غدت كبر خرم الإبره ولا يفكر في شي غير إنه يطيب

الحمد لله والشكر لله