بحكم إني أدجدج بين المدونات وأغلب المدونات اللي أتابعها هي مدونات كويتيه وأكون مره صريحة معكم المدونات الكويتيه من أجمل المدونات .. لأنها مدونات ممتعة فيها كل شي تقريبا والاسلوب شيق والصور جميلة .. ولو إني أفتقد للغة العربية في أغلبها
مدري يمكن لأن أعشق اللغة العربية وأحبها مره وعشان كذا الاقيني أكتبها وأحب أقراها مدري أرتباطي باللغة العربية ارتباط وثيق ولا تهون اللغة الإنجليزية اللي مكتسحة الحين وهي ست الكل.

نجي للسالفه هاليومين أشوف في كثير من المدونات ترديد كلمة غبقة؟؟؟

حسب ما أنا حاسه إنها شي يتعلق بمنتصف الشهر الفضيل بس ما أعرف وش هي بالضبط ولا ولا معنى كلمة غبقة إيش ..

لو تعلموني يا أهل الخير .. أكون لكم شاكره 🙂