أقدر أقول إني في هالأسبوع تعومست شوي .. يعني هالأسبوع ماهو أسبوعي، تخيلوا في أسبوع واحد وبفترة بين 3 أو 4 أيام بين الحادثتين .. الأولى إني بلعت فصمة زيتون وتضايقت إني بعلتها وتنكدت بس تمت مواساتي أنو عادي وياما بلعنا فصم تمر وحنا صغار ,, وسليت !!! والثانية اليوم أخذت ستربسلز وهو في فمي شربت موية .. صدق من قال صاحب بالين كذاب وقومي إزلقي يالستربسله في حلقي وأبلعها وتجيني حالة بانك وهلعت .. مثل هلعتي يوم قرصتني النمله ههههههه .. هذي “سالفه قديمه بعدين اسولف لكم عليها” 🙂 .. بس من جد أول مره تصير لي إني أبلع فصمة زيتون وحبة ستربسلز .. أما لو تقرا السالفه هذي مي بنت عتبه ..قسم بالله إن ترقد في المستشفى .. لأنها عندها فوبيا من الفصم  !!!