تجيكم السالفة

الـ “منفسجي” لون .. والـ “مقنّط” نقشه !

ذكرتني هالصوره بسوالف قديمة .. أول شي وش رايكم في المنظر مو يشرح القلب الحزين وثاني شي اللون البنفسجي أو مثل ما نسميه في الرياض “موف” بالنسبة لي من أجمل الألوان .. الله يذكر سوالف بنت خالتي  بالخير، من زمان يوم إنها صغيرة مره، كانت تسمي البنفسجي منفسجي .. الظاهر إنها مضيعه بين موف وبنفسجي واختصرت وقالت منفسجي

وكانت بعد تحب أي شي منقط وكانت تسمي المنقط مقنط .. بس الحين كبرت ووضعت الأشياء على نصابها يعني صارت تقول بنفسجي ومنقط

بسالكم وش الأشياء اللي كنتوا تقولونها وإنتم صغار 🙂

الوسوم

مقالات ذات صلة