السنة هذي الناس عندنا في الرياض الناس هابين هبة الأسود والنمور والحيوانات الضارية والمفترسة .. يعني ماسكه معهم مسكه شويتين ..

كل اللي في لستة البلاك بيري صورهم مع الأسود أو نمور طبعا اللي جايبينها أخوانهم للبيت يعملون لهم جو بالحركه ذي.. بس طبعا الأسود “البيبي” شبل يعني طبعا ما تصورا معهم وحطوهم ومبسوطين مره فيهم وما ألومهم .. بيني وبينكم صغير الأسد يجيب العافية و عليه ملامح وأشباه توسع الصدر و في هالسنة فيه “كوتنه” عجيبه .. وهذي الكلمة مشتقة من كلمة “كيوت – Cute” يعني وذّيف ويجنن .. ماعلينا من الكلمة

اللي علينا أنو ليه نطينا على الأسود مره وحده طيب اللي وده عنده القطاوه برضو تجيب العافية وهي صغيره ويمكن أحلا من الأسد ..

بس هذا حنا “يا أما حبا ..وإلا برك” !!!