تجيكم السالفة

أنا عايشه في القرون الوسطى مع موروثه اللاعلمي!

اليوم أسولف مع وحده من صاحباتي تتزوجت قريّب الله ويوفقها يارب .. وعيلتها ما شاء الله فيها عيون خضر وزرق وشعر اشقر واللي تتزوجته عيلته ما فيها هالنمونه من الأشباه ..

وقد مره قالت لي سالفه إن أمها قبل لا تتزوج أبوها إن جدها مسك أبوها وقاله لأن أمها سمرا مش شقرا فحب أنو ما يصير فيه لبس ولا شك .. قام قال له: أنو لو جا من عيالكم ولد أو بنت عيونه فاتحه أو خضرا أو زرقا أو شعره فاتح أو أشقر لا تستغرب أنو في العيله كثير فيهم هالمواصفات .

المهم أنا قلت لها .. يابنتي إنتي خليتي أبوك يكلم الرجّال ويقول له نفس الكلام اللي قاله جدك لأبوك وإلا لا ..

قالت لي وش هالقرون الوسطى اللي إنتي عايشه فيها .. مهنا شك الحين فيه شي اسمه DNA ما عاد فيه تفاهم كل شي على نظرك يالإنسان ..

حسيتني في هاللحظه إني أحمل موروث قديم وإني لا أتماشى مع العصر الحديث رغم احساسي إني منسجمه معه !

الوسوم

مقالات ذات صلة