قبل كم يوم كنت في السوق وكنت أتمشى بين البوتيكات ودخلت محل قولوا إنه “إكس” من المحلات ماني بقايله اسمه عشان ما أعمل له دعاية .. يمديكم وأنا بروفشنل وعلى بالي هههههههه

المهم شفت قميص كروهات .. وأنا أحب الاشياء الكروه مره وخصوصا إذا كان الكروه صغير والكروه يعني المكعبات مثل نقشة ماركة بيربري

وكان القميص بلحاله واللي جنبه اشياء غير تماما ، استغربت وطنشت والغريب إنه مقاسي .. قمت شريته وقماشه مره حلو قطن على بوال وخفيف وبارد ..

شريته وبعد بيوم لبسته ونزلت تمشيت في الووك في جي بي آر

وطبعا تخبرون اللبس لما يكون جديد يكون له بزه وبكل أنفه الانسان يتمخطر باللبس الجديد..

اللي حصل أنو اليوم .. وانا أتصفح الإنترنت من هنا وهنا وأطيح على القميص اللي شريته ولبسته وطلعت فيه في الممشي في جميرا بيتش ريزدنس .. أبشركم طلع القميص مو قميص خروج

طلع القميص الكروه .. قميص نوم !!!