طفولتي كانت لندن .. كل سنة كنا نروح في سبعينات وثمانينات القرن الماضي، وكانت لندن في ذاك الوقت في منتهى الخظورة لدرجة إن البعض ما يشوف إنها مكان صالح للسياحة وكنا دايم نشوف شوارع مقفه وبعدين نعرف إن فيه إنفجار صار، بس كنا صغار ولا نعرف ولا نهتم، والحين لندن صارت مثل أول لأن الظروف وحدة في السابق كانوا يعانون من أزمة إقتصادية والآن نفس الشي.
وعشان كذا أنا دايم نصيحتي لأهلي وأصحابي وزوار مدونتي إن حتى لو كانوا وين ما يكونون فيه لازم يحذرون وحتى لو في بيوتنا مش بس في سفرنا ، لأن شايفين وش صاير في الدنيا الحين فيه أزمات وفيه مشاكل والله يستر يارب  وكل يوم نسمع علن سوالف الخدم في البيوت اللي يستر.
وأكيد سمعتوا عن الحوادث اللي صابت أخواننا الإماراتيين في لندن الله يشفيهم ويرجعهم سالمين والله لا يورينا مكروه يارب.

ونجي لأهم شي وهو تحصين النفس كل يوم وعليكم بدعاء الخروج من المنزل:

بِسْمِ اللهِ ، تَوَكَّلْـتُ عَلى اللهِ وَلا حَوْلَ وَلا قُـوَّةَ إِلاّ بِالله.
اللّهُـمَّ إِنِّـي أَعـوذُ بِكَ أَنْ أَضِـلَّ أَوْ أُضَـل ، أَوْ أَزِلَّ أَوْ أُزَل ، أَوْ أَظْلِـمَ أَوْ أَُظْلَـم ، أَوْ أَجْهَلَ أَوْ يُـجْهَلَ عَلَـيّ .

الله يحفظنا أجمعين.