قبل كم يوم شفت في يد صديقتي رباط مطاط أسود وعرفت إنه ساعة من “Nike+ Fuelband” من نايكي ولفت إنتباهي هالرباط لبساطته .. عاد هي وضحّت لي وقالت لي إنه مو بس ساعه تراه يقوم بحسبه للنشاط الجسدي يعني مثلا كم كلوري حرق الجسم وكم المسافة اللي قطعها.. وممكن عمل تزامن مع تطبيق الهواتف الذكية.

أنا مره إعتبرته مفيد غير إنه صاير موضه بعد .. لأن الساعات الرقمية صارت موضة مثل كاسيو اللي تكلمت عنها قبل كذا في موضوع : ساعات “كاسيو – Casio” هي الستايل الحين !