هذي السنة دُعيت لتجربة الأزياء من فوغ في دبي اللي توه خالص من 10 أيام .. واللي من جد استمتعت فيها بكل لحظة من لحظاتها واللي وثقتها كلها في حسابي على الإنستغرام، وكانت البداية مع المؤتمر الصحفي اللي أقيم في فندق العنوان داون تاون وبعدين كان عرض الأزياء لثمانية من المصممين العالميين والمحليين في قاعة الأزياء في دبي مول واليوم الثاني والثالث كان في فندق أرماني مع منصات لـ20 مصمم ومصممة أزياء من الواعدين ومن ضمنهم صديقتي ريم الكنهل، بالإضافة إن فيه متاجر كثيرة مشتركة في هذا الحدث عن طريق تقديم عروض ترويجية أو ترفيهية.

ولكن بكل لسف ما قدرت أحضر الحفلة الخيرية لأن كنت في غاية الأرهاق حيث إني توني كنت في فترة النقاهة بعد من كان صايبني دور برد شديد، بس حرصي على هالمناسبة هو اللي خلاني أجي على نفسي وأحضر كل فعالياته تقريباً ..

تجربة جميلة جداً وأنصح الكل إنهم يحضرون هذا الحدث الجميل ويدعمون المصممين الجدد وخصوصاً إن الدعوة عامة للكل والجميع.

وخصوصاً إني كنت قاعدة خلف روبيرتو كفالي و فرانكا سوزاني في عرض أزياء اليوم الأول وكثير من الناس قاموا يمنشنوني ويرسلون لي يقولون Hala we spot you : )