العالم كل ماله ويصير متوّحد، بمعنى إن كل الناس تقريبا يستخدمون نفس الأشياء والإهتمامات مشتركة مثلا الغالبية نستخدم نوعين أو أكثر من الهواتف الذكية ونستخدم تقريباً أشهر شبكات التواصل الإجتماعية .. والطعام كمان صاير يتشابه كثير، يعني البرجر في كل مكان موضة واتجاه جديد في الأكل مثله مثل الحلويات في الجار.

ودايم لما أتفرج على أفلام الخيال العلمي -واللي أنا أحبها- يجيبون الناس في المستقبل كلهم لابسين نفس اللبس كما لو كان “يونيفورم”!

والألوان تكون رسمية أما أسود أو أبيض أو رمادي أو فضي .. ليه دايم الفكرة هذي مسيطرة رغم إن صناعة الأزياء تدرّ المليارات على روّاد هذي الصناعة وكذلك هذا الكلام ينطبق على الأغذية!

هل تعتقدون في المستقبل راح تنتهي الأشكال المختلفة والإهتمامات المختلة في الأزياء ويتم توحيدها بشكل معين وإذا صارت موضة معينة الكل لازم يلبسها .. أنا الحين شايفه هالشي بادي من فترة لأن الحريم كلهم لابسين شنط من ماركات معينة وفي يدينهم مجوهرات من نفس الماركات .. والرجال كمان حاكرين انفسهم بكذا نوع من السيارات ما يطلعون عنها والساعات كمان هي كم ماركة اللي يلبسونها ! بالرغم من أن سوق الازياء فيه أشياء كثيرة وكمان سوق السيارات والساعات .. بس ليه التركيز على ماركات معينة بالضبط .. هل هي بداية لان يكون كل الناس متطابقة يعني طبقة طبقة من بعض !