ينطلق يوم الأحد 13 يونيو، المونديال الأكبر في العالم وهو كأس العالم لكرة القدم في دورته الـ 20 في البرازيل، واللي بتثبت أنظار عشاّق الكرة المستديرة على شاشات التلفزيون لمدة شهر كامل!

وحيبت إني أتكلم شوي عن هذا المونديال اللي أحرص إني أتابعة .. لأن أجواء المونديال غير ولأنها ما تجي إلا كل 4 سنوات عشان كذا نتشوّق لها. هذي السنة للاسف الشديد ولا ديرة خليجية تأهلت 🙁 بس إن شاء الله في المستقبل نتأهل.

ولو بغيتو تعرفون كل شي عن كأس العالم ومواعيد المباريات والمجموعات والمنتخبات في الموقع الرسمي واللي باللغة العربية من فيفا:
ar.fifa.com/worldcup

وكمان هوندياي أقامت حدائق للمشجعين في عدد من المدن العالمية:
فيديو : كأس العالم لكرة القدم في البرازيل 2014 .. ( حدائق هيونداي ) للمشجعين في كل مكان

وأظن هذي السنة بيتحقق حلمي ومنتخب الأوروجواي هو اللي بتآخذ الكأس لأن البارجواي ما تأهلت أصلن ..

تذكرون ياربعي الحلم اللي حلمته من مليون سنة وكتبته في “نادي بنت نت”، يوم قلت لكم إن الأوروجواي أو البارجواي : ) طبعا وجه الضيف من ذاك الوقت .. بس أظن هذي السنة الأوروجواي هي اللي بتتوج باللقب.