أنا من الناس اللي دايم أحرص على مجلة تايم آوت، من أيام الدنيا دنيا .. في لندن كنا طول الوقت نعتمد عليها قبل الإنترنت .. نعرف وش صاير في المدينه من المجلة و وش أحسن الأماكن والعروض منها كمان.. واستمرت هذي العادة معي في دبي .. لأني أحب أعرف عن كل جديد في المدينة .. وذاك اليوم شريت عدد مكتوب عليه برجر ببلاش وبالفعل رحت للمطعم وخذيت لي ألذ برجر في دبي و ببلاش يالله من فضلك..

العرض كان مقدم من سوهو غريل في السنشري فيلج .. هو مكان مقصوي شوي بس يستاهل العنوة في هالوقت والجو حلو لأنه مكان مفتوح في الهواء الطلق.

وعن طريق هذا العرض تعرفت على المطعم اللي هو فرنشايز جاي من أمريكا وبالتحديد في منهاتن بنيويورك .. ويقدم المطعم الستيك والبرجر يعني الأكل الأمريكي ..

ومن خلال تجربتي للبرجر مرة كان لذيذ .. عاد مدري يمكن لأنه ببلاش زكى بعيني لوووووول.
بس إن شاء الله .. يبغالنا روحة ثانية له نجرب الستيك ونحكم عليه بس مواريه من البرجر مره زينه .. حبيته ..