اليوم جبت لكم وصفه من اللي يحبها قلبكم ..  عهود إختي عملت لنا هذي الصينية مشكوره .. ومن كثر ما عجبتنا قلت لازم أعلمكم عليها .. بسم الله نبدأ

بالمكونات:

٥ سمك كاملة متوسطة الحجم ويفضل نوع الصافي
حبة بطاطس
حبة طماطl
١ بصلة حجم كبير
حزمة كزبرة صغيرة ومفروم
٦ فصوص ثوم مدقوق
ليمونه
زيت زيتون

خلطة البهارات

ملعقة طعام ملح
ملعقة طعام فلفل أسود
ملعقة طعام كمون
ملعقة طعام كركم
ملعقة طعام شطه بودره
ملعقة طعام بابريكا

مع ملاحظة إن ملعقة الطعام ممسوحة يعني ما تكون مثل التل.

الطريقة:

ننظف السمك زين ونقطع جلد السمك فقط شرائح طولية ونشق السمك من الوسط، نفرق كل السمك بخلطة البهارات مع الإنتباه إننا نترك ملعقة طعام لخلطة الحشو.

طريقة عمل حشو السمك

الحين في صاج مستقل نحط شوية زيت زيتون على النار ونسخنه ونحط البصله وتكون مقطعه قطع صغير و نقلبها على النار لين ما يتغير لونها ويصير ذهبي وبعدين نرفعه من على النار ونتركه لين ما يبرد.
وبعدين لين برد نضيف عليه الثوم المدقوق والكزبرة المفرومة وعصير ليمونه وملعقة صغيرة من خلطة البهارات.

طريقة التحضير:

نجيب صينية بايروكس ونرش عليها زيت زيتون وبعدها نقطع نص البصلة شرايح ونحطه أسفل الصينية ومن بعدها نقطع البطاطس ونحطه فوق البصل وبعدين نقطع الطماطم ونحطه فوق البصل والبطاطس.
نحشي السمك بالحشو ونحطه في الصينية فوق البصل والبطاطس والطماطم وبعد ما نرصه نحط شرائح ليمون على السمك
نخلط صلصة الطماطم بنص كأس مويه ونسكبه في أسفل الصينية .. مو علي السمك يعني يكون السكب من زاوية الصينية.
ونغطي الصينية بقصدير وندخلها في فرن حار لمدة ٤٥ دقيقة؟
وبعدين نشيل القصدير ونتركه ١٠ دقايق عشان يتحمّر.

مع ملاحظة إن خلال ال ٤٥ دقيقة لازم ننتبه للسمك عشان لو نشف معانا نقوم نسقيه شويه مويه من موية أسفل الصينية..

وصحتين على قلبكم..

وترا الطبق زين على الفطور أما السحور ما أنصحكم وإلا ألسنتكم بتطيح في الارض من العطش .. وخلقه حنا في الصيف 🙂