من يوم ما فتح فرع منش بيكري في الرياض وأنا أدعي لهم وأقول الله يجزاهم خير .. أخيرا جانا كوكيز عليه القيمة ويطلق الوجه .. ومن أول كنا محتدين على كوكيز أنوش اللي مره كثير فيه الزيت وما كان لذيذ ذاك الزود !

بس هذا حق منش .. مو بصاحي مره لذيذ و كمان طعم الشوكولاته يوسع الصدر .. ولا يهون البراوني حقهم .. كمان لذيذ بس المشكلة كل ما طلبنا الكوكيز العادي يكون مخلص ونضطر نطلب الكوكيز الدبل شوكليت .. هو حلو بس مو مثل العادي الشوكليت شيب ..

اللي يحب الكوكيز والبراوني عليه بمنش .. وإذا عندكم أماكن تنصحون فيها .. دلوني عليها .. وأكون ممنونه 🙂