البارحة رحت حضرت لقاء الصحفيين التعريفي بـ “سينما ريل” اللي توها فاتحة في “ذا بيتش” الوجهة الأجمل على شاطئ بحرك يادبي .. وأنا مره مبسوطه لأنه مره قريب من بيتنا : )

وعملت لقاء سريع مع السيد “جوردون كيرك” اللي قال إنه تم إختيار ذا بيتش لأنه مكان جداً جميل وبإمكان إن كل سكار وزوار المنطقة إنهم يجون للسينما على رجلينهم، وهذا شي مره جميل .. وسألته أكيد عن الأفلام العربي والهندي اللي أحب أتفرج عليها وقال طبعاً بيكون فيه عروض. وآخر شي سالته عن الأفلام اللي تهم الأطفال وقال الحين أفلام الأطفال تستقطب كمان كبار السن مثل فيلم “فروزن” اللي يحقق نجاحات في العام ويعرض حالياً في دبي ويحقق النجاح.

والحين بزودكم بمعلومات عن السينما الجديدة في منطقة مرسى دبي – جميرا بيتش ريزدنس ، أول شي السينما تحت إدارة  “إعمار لتجارة التجزئة” واللي بوفر تجربة سينمائية متميزة مع إطلالة جميلة جداً على امتداد شاطئ البحروالسينما تعتبر جزءاً ما يتجزأ من مشروع “ذا بييتش” اللي يعكس اللمسات التصميمية الرائعة لمهندسي شركة “مراس القابضة”.

وفي “ريل سينما” في “ذا بييتش” 7 صالات لعرض الأفلام، و3 أجنحة “بلاتينوم”، وردهة “بلاتينوم” عشان توفير تجربة مشاهدة سينمائية مالها مثيل في فخامتها و رقيها، وكمان فيه مطبخ خاص يقدم تشكيلة متنوعة من المأكولات الفاخرة في اللاونج الجميل ذو الإطلالة الرائعة.

ويجي مجمع ريل سينما بقدرة إستيعابية حول 900 شخص، وهو مزود بخمس شاشات عرض ثلاثية الأبعاد. وتتضمن كل الصالات أنظمة صوتية ومرئية متطورة لعرض الأفلام.

وهذا المجمع بيتيح لنا ياعشاق السينما تجربة سينمائية رائعة بديكورات جميلة مثل الممر الأنيق اللي تم تصميمه على الطراز الهوليوودي مع تشطيبات معدنية ملونة، وسجاد مودرن بتقاطيع هندسية على شكل مكعبات ويغطي كل ارضية الممر. وهذا الديكور والتصميم جا بالتعاون مع شركتين سنغافوريتن وهم “آر دي سي آركيتكتس المحدودة” و”انديز ديزاين كونسلتانتس”، اللي جعلو  سحر هوليوود يملى المكانز

والاهتمام الكبير بالتفاصيل واضح جداً في كل جوانب التصميم بداية من صفوف الكراسي الوثيرة التي صافه على مسافات وسيعة وبعيده عن بعضها البعض عشان توفير أقصى درجات الراحة وقت الجلوس. وفيه طاقم متمرس يضم أكثر من 70 شخصاً مؤهل ومدرب على ضمان توفير تجربة شخصية مميزة لنا، والأكيد للي بيرتادون أجنحة “بلاتينوم” اللي بتوصلهم المأكولات اللذيذة إلى كراسيهم. والحلو كمان إن كانتين سينما ريل فيه ركن مخصص تتوفر فيه خيارات واسعة من نكهات “البوب كورن” بداية من التوت إلين الكراميل المملح.

واللي بيجون بسياراتهم “ريل سينما” توجد فيه مواقف سيارات ويعطون 3 ساعات مجاناً.