قبل يومين بدأ عرض المسلسل التركي الجديد “ديلا خانم” واللي يعرض قناة OSN ياهلا HD! .. المسلسل بدايته قوية .. وهذا دايم شي ألاحظه في المسلسلات التركية إنهم يحطون جهدتهم في البداية وبعدين مو مهم لو يخمبقون ! .. يمكن هذي معادلة مهمة عشان يشدون المشاهد من أول شي والمثل يقول العود على أول ركزة .. وأظن إنه شي ناجح لأن بالفعل شدوني .. وأعرف نفسي بعدين بنشب لأني من الناس اللي ينطبق عليهم قول الشاعر نزار قباني:

فإن من بدأ المأساة ينهيها
وإن من فتح الأبواب يغلقها
وإن من أشعل النيران يطفيها

يعني لازم أكمل الشي وأنا ما أشوف الدرب .. المسلسل تدور قصته حول الإنتقام  وحول العادات والتقاليد في الريف التركي والإختلاف بين أهل المدينة اللي هي اسطنبول وبين الضيعجيه.

واللي فاتته حلقات هذا الأسبوع يقدر يبدأ في الويك إند لأنهم يعرضون الحلقات متتابعة لكل حلقات الأسبوع، مين وده يتابع المسلسل؟