هذا العيد كان فرصة إني أتفرج على عدد لا بأس فيه من الافلام .. والحمد الله توفقت في أكثرهم .. و من الأفلام اللي توفقت في مشاهدتها الفيلم الرائع ( RUSH ) من بطولة الأسترالي ( كريس هيمسورث ) اللي أدى دور سائق فورمولا 1 ( جيمس هانت ) والألماني دانيال بروهل اللي أدى دور نيكي لاودا .. والفيلم مستوحى أحداثه من قصة حقيقة تدور حول المنافسة الشرسة بين متسابقين الـ ( فورمولا 1 ) .. جيمس هانت ونيكي لاودا بطل العالم للـ ( فورمولا 1) لثلاث مرات وهانت اللي فاز فيها في موسم واحد فقط وهو موسم 1976 واللي صار فيه الحادثة الشهيرة اللي إخترق فيها المتسابق النمساوي نيكي لاودا .. تركيز الفيلم كله على موسم 1976..

الفيم مره حماسي ودخلنا جو في عالم سباقات سيارات الفورميلا 1 .. وكيف هذا العالم محفوف بالمخاطر .. اللي فهمته من الفيلم إن شخصيتين متناقضتين .. الأولى في جيمس هانت اللي تهور وخاطر ونجح ولكن ما نفعته إلا مره وحده لأن هذا المجال مجال يبيله أكثر من مجرد المخاطرة .. بينما نيكي لاودا اللي يحسبها بالورقة والقلم مع إحساسه العالي بالسيارة اللي يسوقها .. هو اللي استمر رغم المحنه اللي مر فيها وبسببها خسر سباق 1976 .. وقت ما كان هو في المستشفى كان هانت يحقق الإنتصارات ويجمع النقاط ..

وكمان كان فيه عامل مهم وهو عامل المعانات .. هانت كان كان يعاني لانه فاقد و مستبيع بسبب خاينة زوجته له مع الممثل ( ريتشارد بيرتون ) زوج الممثلة ( إليزبيث تايلور ) .. فما همه إنه يخاطر بينما نيكي لاود اللي وجد سعادته مع زوجته اللي ما قدر إنه يعرض حياته للخطر في حلبة فوجي في اليابان بسبب الأمطار .. وانسحب من السباق اللي فيه خسر نقاط مهمة كان ممكن إنه يكون هو بطل العام بس سعادته حرمته من هذا اللقب ..

فيلم عجيب أنصح بشدة بمشاهدته .. وبرأي يعتبر من أفضل الأفلام اللي شاهدتها في 2013.