قبل فتره أتفرجت على فيلم اسمه من باريس مع حبي – From Paris with Love فيلم حلو وينشاف بس اللي استشفيته من الفيلم حكمه مره حلوه..

من ضمن مواقف الفيلم طبعا زي منتو شايفين جون ترافولتا أبظاي ومعتّر وعربجي بإختصار .. ومابقى أحد في الفيلم ما فقع وجهه..

والبطل اللي معاه اللي هو جوناثان .. رجال عادي يشتغل في السفارة وماله من الشر طريق .. و مع المغامرات والمغازي مع العتاوله وكل شي تمام فجأة لقوا نفسهم قدام عصابة أكبر واحد فيهم عمره 10 سنين .. المهم دخل جوناثان على جون ترافولتا وهو راكع قدام البزر على ركبه وحاط يدينه فوق راسه ..

قام الولد الصغير قال لجوناثان :أركع وهو مصوّب المسدس عليه .. قام ضحك جوناثان .. على وزن الحمدلله والشكر مابقى إلا هي ..

قام إلتفت عليه جون اترافولتا وقاله :

إذا بزر عمره عشر سنين ومصوب عليك مسدس وقالك أركع .. يعني ترقع ..

خذوا بالكم من 10 سنين .. يعني سفاهه وممكن في أي لحظة يصير مالا يحمد عقباه .. يعني لو رجال أو مره ممكن يتم التفاهم بس بزر ما ظنتي

الحكمة بإختصار :” لو بزر عمره عشر سنين ومصّوب عليك مسدس وقالك أركع .. يعني تركع”.