هذا الأسبوع أعتبره أسبوع الأفلام بالنسبة لي لأني شفت فيه فيلمين .. الفيلم الأول سوبر مان “ Man of Steel ” واللي كتبت عنه موضوع قبل شوي وقلت رايي فيه ..

والحين بكتب رايي عن فيلم ” The Internship ” واللي برضوا كنت متحمسة له بعد ما شفت الفيلم الدعائي له..

الفيلم حليو بس مو مثل ماهو متوقع يعني حطوا في الفيلم الدعائي كل النكات اللي موجودة ولا فيه شي جديد في الفيلم، بالإضافة إلى إن الفيلم من يبدأ إلى نهايته هو دعاية لعملاق شركات التكنولوجيا في أمريكا واللي هو جوجل ، واللي أنا شخصياً أشوف إنها ما تحتاج دعاية لأن تستحوذ على نص الإعلانات في العالم !

بس على الرغم من كذا هم يعملون دعايه !

الفيلم ظريف ولكن مو مثل ماهو متوقع من ممثلين كوميديين مثل أوين ويلسون وفينس فوغن !

تقييمي للفيلم 6 من 10.