قبل شوي رحت تفرجت على فيلم ” غاتسبي العظيم – The Great Gatsby ”  واللي توه نازل في دور سينمات دبي وهو من بطولة ليوناردو دي كابريو وتوبي ماغواير وكيري مولّيغان.

الفيلم مشوّق والتقنية المستخدمة فيه كبيرة ومبهره حالها حال المجوهرات والملابس والحلو في الفيلم إنه يميل السرد فيه وطريقة الإخراج إلى إننا كأننا نقرا رواية ، عجبني مرة التمثيل و الإخراج ..و حسيت الأفلام الجديدة فيها شي جديد فعلاً،  تذكرّت فيلم آنا كارنينا .. يعني ندخل الفيلم عشان نشوف فن ونشوف حبكه ورواية ونشوف شي غير ويكون شي ممتع ينقلنا من جو الواقع ، وأنا لأني أفضل النوع هذا من الافلام مثل فيلم ” مولان غوج ” اللي أشوف أنه من أروع الافلام اللي مثلتها نيكول كيدمان .. و كمان موسيقى الهيب هوب اللي بالفيلم  عملت إضافه له و كان مزج جميل.

أنا أشوف إن هذا الفيلم جميل وممتع و يستحق المشاهدة لأن اللي بيدخل يدخل يشوف فيلم مو يشوف شي واقعي مثل الافلام الواقعية أو أفلام الآكشن اللي يمتلي الصيف فيها.

تقييمي للفيلم 9 من 10