البارح تم بث أول حلقات البث المباشر لبرنامج “ذا فويس –  The Voice” على قناة MBC 1 و MBC مصر اللي إفتتحت البث فيه ..

وبصراحة البرنامج أمس كان فيه لخبطة في الإخراج وتم الإستعانة بالممثلة “أروى جودة” لتقديم البرنامج مع الممثل برضوا “محمد كريم” وأروى أبد ما كانت في الفورمة وباين إنها جايه سبير لأحد ثاني لأنها مو محضره نفسها زين ولا عرفت تقرأ زي الناس وتلخبط بالكلام.

وشيرين ما كانت متألقة نفسيتها متعبّتها شوي وبان كمان أكثر يوم جت ترجع وتعركلت وطاحت !!

والأغاني اللي تم إختيارها للمشتركين ماهي ذاك الزود .. بصراحة ما عجبتني الحلقة أبد و واضع إن الحكام الأربعة كل واحد يفضل الجنسية مش الصوت .. وبان التحيز في صابر وعاصي يوم فضلوا إنهم يحتارون أبناء جلدتهم ونفس الشي شرين اللي ما أختلفت عنهم ..

والطامة الكبرى كانت من عاصي الحلاني .. إذا كانوا سامسونغ من الرعاة للبرنامج ودافعين دم قلبهم لـ MBC وبعدين يجي عاصي وبلا مبالاة يصور الحفلة بجهاز الآيفون وهو الجهاز المنافس !! والمخرج يحط الكاميرا عليه مش مره وحده .. مرتين !!

والولد اللي يقول أنا اشرب بيبسي .. فاتحين له علبة البيبسي والفتحة من الجهة الثانية يعني ما جربها حتى !!

حالهم أمس يقول مثل ما المثل يقول : مثل القطو .. ياكل وينكر !! بصراحة .. فضيحة !!

و مستغربة على مجموعة مثل مجموعة MBC تسقط مثل هالسقطات وهم متعودين على مثل هالنوعية من البرامج .. يعني أقدر اقول إن هذا ملعبهم وهذي لعبتهم .. وشلون كذا؟