البارح شفت الفيلم الهندي “بارفي – !Barfi” اللي يعرض حالياً في دور السينما في دبي والفيلم من بطولة رانبير كابور وبريانكا شوبرا وممثله أول مره أشوفها اسمها إليانا دكروز.

والفيلم مره عجبني ولو إنه شوي يقلب الراس لأن فيه بلاي باك .. الحلو في الفيلم إنه مليان بالعبر عن الحب وعن الحياة وعن الفرص اللي ممكن ما تصادف الإنسان إلا مرة وحده وعن إن الإنسان مخبر مو مظهر..

وأحداث الفيلم تدور في سبعينيات القرن الماضي بإطار كوميدي خفيف ودراما إنسانية .. وعجبني إخراج الفيلم وحلوه الصورة  وإختيار القرية اللي تصوّر فيها الفيلم موفق .. وأتوقع إن القرية في حدود التبت لأن أشكالهم كآنهم شوي أسيوين ..

أنصح اللي يحبون الأفلام الهندية إنهم يشوفونه لأنه فيلم رايق وحلو.. فيه شوية فانتازيا عملت إضافة للفيلم..