من قبل كم سنة كانت المسلسلات الدرامية الخليجية و الكويتية على الأغلب كلها مشاعر سلبية و ضرب وتصفيق وسحر ومكر ومكائد وخيانة وحسد وغير وما بقى مشاعر الحقد والكراهية ما كانت تظهر علينا .. لدرجة إني وصلت لقناعة إني ما أتابع أي مسلسل درامي خليجي أو كويتي لأنه كلها صراخ وبهذله ، إلا مسلسلات وداد الكواري اللي كانت تميل إنها تكون إجتماعية هادفه تناقس مسألة غلاء المساكن أو الفارق الإجتماعي بين العايله الواحده وكيف العايله اللي تجيها فلوس ممكن إنها تتغير على الباقين .. وكانت وداد مع المخرج المقلة عاملين شغل ممتاز بس من استمروا والوضع أثر على مسلسلاتها .. ماعادت بنفس القوة اللي من قبل.

وجت نقطة الفصل يوم  بدت تهل علينا المسلسلات التركية المدبلجة .. والأتراك قلوبهم خضرا مثل ديرتهم.. وتفاجأنا بكمية المشاعر والحب والعشق والأمور الإجتماعية اللي تحصل في المجتمع الطبيعي مع شوية بهارات .. والأمر لا يخلو طبعا من الدراما ..

المهم إن المسلسلات التركية أكلت الجو عليهم وماعاد أحد يتابع إلا هي .. وعلى طول سبحان الله تغيرت الموجة وقامت المسلسلات الخليجية تهل علينا بكمية عشق وغرام .. و مبالغة مدري من وين جابوها ..

بس سبحان الله الرجل الخليجي في التمثيل ما يقنع في مسالة العشق والغرام يمكن لأنه لابس ثوب ماهو ثوبه بس مغصوبين على هالموجه عشان هي الموضة وخايفين لا يفوتهم الركب .. ويطلعون من المولد بلا حمص على قولة أخواننا المصريين ..

وعلى طاري المصريين أذكر إن الأفلام والمسلسلات المصرية القديمة كانت كلها قصص جميلة والافلام كانت ممتعه .. بس مع التغير في المشهد السياسي في مصر تغير معه كل شي .. وصارت المسلسلات أي كلام .. بس الحين كنهم أشوا شوي يعني ممكن يكونون رجعوا بفضل التأثير التركي.

ووش رايكم؟