هاليومين قاعدة أتابع مسلسل ” القبضاي ” اللي اسمه بالتركي ” كاراداي Karadayı “، المسلسل مش جديد لأنه الحين في تركيا في الموسم الثالث .. لكن أنا لين الحين في نهاية الموسم الأول.

وأنصح كل أحد يحب المسلسلات التركية مثلي إنه ما يفوّت هذا المسلسل العجيب، لأنه يدور في زمن السبعينات القرن الماضي .. وقت ما كان فيه جوالات ولا كان فيه مثل تطور الحين .. المسلسل ينقل المشاهدين لزمن الروايات، وهذا اللي عجبني فيه أكثر شي وكل الظن إني بكمّل الموسم الثاني إن شاء الله ..

أول شي بديت أتابع مدبلج بالعربي وفجأة مدري وش جاهم وغيروا صوت البطلة وخلوه مثل صوت بيسان اللي في مسلسل العشق الأسود .. ما تقبلته أبد .. وقمت حوّلت ورحت تفرجت عليه بالتركي .. بصراحة بالتركي أحلا مليون مرة فرقته مره، ياليت والله لو يصيرون يعرضون المسلسلات التركية مترجمة في التلفزيون .. لأنها أحلا من جد أحلا من الدبلجة..

وبسألكم وش رايكم بالمسلسل للي شافه طبعاً  .. بس تكفون لا تخربون علي الأحداث لأني لين الحين مثل ماقلت لكم أنا في الموسم الأول ..

بس ما يمنع إني أسالكم عن رايكم في المسلسل في الجزء الأول..