صديقتي نوف ولأني اعرف نوفات كثير الله يحفظهم كلهم فبحدد وأقول إنها نوف بنت عبدالله .. نوف احساسها مره عالي في الأغاني اللي تختارها وتحطها لنا في الفيس واليوم نظفت لي إذني باغنية رائعة لأسماء لمنور وهي أغنية اسمها “الشباك” من كلمات فيصل السديري وألحان سهم .. الأغنية رائعة جداً جداً جداً

والأغنية من ألبومها روح اللي مغنيه فيه أغاني خليجية مره حلوه منها “ويل” و”أبشرك”

أشوفك والندى دمع يبلل وجنة الشباك
تشاورلي تعال ادفى بحضني عن براد الشوق
ولا مني مسحت دموع شباكي وعجزت القاك
احس من البراد ان القزاز بعبرته مخنوق
واحس اني مع نفسي ونفسي تحسني وياك
وأدور عني وعنك ولا القانا وأناظر فوق
غديني القاك وألقاني ورى نجم بعيد هناك
وادنق والسما غير الكواكب مابها مخلوق
وحشني وجهك اللي فيه صورك اشوفها بلياك
تعبت اقرى تعابير عجزت اسمع لها منطوق
عطشتك وانت قدامي ولكن ما قدرت ارواك
شربتك حلم من ياسي عشان اروي جفاف عروق
مع انك رحت ولا يمكن ترد تصدق استناك
واحس بنفسي لوصلك وهو ماهو بصاير توق
ولا شفت الندى دمع يبلل وجنة الشباك
تخيلتك وراه وحاجبك عنى ضباب الشوق