حبيت الفيلم الهندي Bang Bang رغم إنه مأخوذ من الفيلم الأمريكي لتوم كروز وكاميرون دياز “Knight and Day”، اللي أساساً كان معجبني بالنسخة الأمريكية، كيف عاد لين صار فيلم هندي ومن بطولة ريتيك روشان وفيه أغاني ورقص وفلة حجاج.

الفيلم بصراحة اللي يبي يروح يوسع صدرة ويعتبر إنه رايح لنزهة خفيفة ظريفة يروح له أما إذا كان يبي يروح ويتفقّد ويتنقّد لا يروح لأن فيه مبالغات كثيرة جداً ،يعني تسلية والدنيا حلوة وما يصير شي من طقة أفلام جيمس بوند من أول مو الحين صايرة مره جدي وما ينتحارش.

أنا يا وحده من الناس أروح أشوف فيلم هندي للتسلية وخصوصاً هذي النوعية لان فيه أفلام هندي عليها الكلام ومستواها عالى سواء في الأداء أو القصة وإن كانت قليلة.

هذا الفيلم أعجبيني، ولو إني كتبت الموضوع مرة متأخره فيالمدونة بسبب نزلة البرد الشديدة اللي صابتني والحمد الله الحين أشوى .. صعبه بعد الفيلم نزل في عيد الأضحى والحين في السينمات نازل فيلم شاهروخان Happy new year .. وأنا توني في Bang Bang!