فيلم خيال علمي، وأدري إن مخرج الفيلم شطح كثير فيه، بس مو مستبعد عنه لأنه هو نفسه اللي أخرج الفيلم الأكثر من رائع The Fifth Element، وعشان كذا أنا حرصت إني أشوفة لأن كمان له كم فيلم من الأفلام الجيدة.

حبيت فكرة فيلم ” لوسي Lucy  اللي تقوم على لو إن البني آدم استخدم كل قدرات عقله، وأنا بعد البحث وتقصي عرفت إن العلماء منقسمين في الآراء حول هذي النظرية اللي البعض يقول إن الإنسان يستخدم ما بين 10 و 20 بالمية من قدرات عقله بينما قسم آخر يقولون إن الإنسان في الحقيقة يستخدم كامل قدرات عقله بالفعل.

الفيلم تشويقي ولا نعرف وش بتكون النهاية ولا وش ممكن يكون تسلسل الأحداث وهذا هو الجميل فيه، بس أسخف شي في الفيلم لين جينا للصدق عمرو واكد اللي ما عرفت وش داعي وجوده في الفيلم وكمان ما عرف يقنعني بالدور، بالمقابل كان أداء سكارليت مرة كويس.

تقييمي للفيلم 8 من 10.