ثقافة وفن

ما توصل إنهم يقتبسون فيلم ( Unfaithful ) بمسلسل اسمه ( لو ) ويعرضونه في رمضان!

نتفرج هالأيام طول الوقت على برومو المسلسلات اللي بتعرض على القنوات الفضائية في شهر رمضان الفضيل.

ومن المسلسلات اللي مرة إستغربت إنها بتعرض في هذا الشهر هو مسلسل ” لو ” اللي من بطولة فهد عابد ونادين نجيم ويوسف الخال .. والمصيبة إنه مقتبس من فيلم منتهي مره لريتشارد غير اسمه  Unfaithful وإنتاج عام 2002.

المصيبة في الفيلم الأمريكي إنه لا يتوافق مع سلومنا أبداً .. كيف الحين يعربونه ويبثونه بهذي الفجاجة ..لأن الفيلم الأمريكي عبارة عن خيانه في خيانة الزج من قبل خان زوجته وعرفت هي بهالخيانة و الزوجه تخون زوجها وبعدين الزوج يدري بهذي الخيانة ويذبح العشيق الفرنسي وفي النهاية يعلّم زوجته الخاينة إنه ذبح عشيقها ويطلب منها السماح وتسامحه ويعدها يهجّون من الديرة وينفذون بعملتهم السوداء !

خيانه وقتل ومضمون سيئ وكمان ينفذون بجلدهم .. أي رساله ذي اللي يبون يرسلونها للناس في هالشهر الفضيل ؟

وأبشركم .. إليسا هي اللي تغني للمسلسل .. يعني يبون يضمنون له النجاح .. أنا أتوقع إن بيكون له نصيب كبير لأن صايره عليه ضجة من قبل لا يعرض في أكبر شبكات التلفزيون !

الوسوم

مقالات ذات صلة