اليوم دريت عن مشروع جميل أطلقته شركة “سامسونج” الكورية ولا أتوقع فيه أحد في الدنيا ما يعرف عملاق التكنولوجيا أو ما قد اشترى جهاز من عندهم سواء كان موبايل أو تلفزيون أو ثلاجة أو كثير من الأجهزة اللي تصنعها هذي الشركة العالمية، ومو بس شركة “سامسونج” تهتم بإطلاق هذي المنتجات إلا بعد تهتم بإطلاق القدرات، لأنهم الحين مع هالمشروع قاموا يدعمون الافكار الطموحة من خلاله،  وأطلقوا على المشروع اسم “انطلق” أو “Launching People”، يعني لو أحد عنده فكرة مدهشة، خلاّقة و إبداعية ويحس إنها ممكن تحدث فرق ويبغاها توصل، هذا الشي أقدر أقول إنه ممكن الآن مع “سامسونج” اللي تدعم الافكار الإبداعية وتحولها إلى حقيقة.

وهذا الشي حاصل بالتعاون مع فريق من المستشارين وبالإستعانة بتقنية سامسونج، واللي بيحصل إنه بيقومون بإطلاق أفكار أربعة أشخاص وتحويلها لواقع ملموس وهذا الأفكار تخضع لأربعة مجالات وهي : ريادة الأعمال، الموضة والأزياء، الابتكار والاختراع، والتعليم.

وآلية التقديم بتكون عن طريق تطبيق المشروع على شبكة الـ “فيسبوك” وممكن تدخلون عليه عبر هذا الرابط.

وللفوز لابد من التنافس للحصول على الدعم، ومن شروط الإشتراك بس فكرة وحدة لكل حساب على الفيسبوك ولا يحق بالإشتراك للشخص الواحد بفكرتين، وهذي المشروع اللي انطلق في 15 يناير 2014 وبيستمر إن شاء الله إلين شهر مارس 2014 يعني الفرصة متاحة إلى الآن وللجميع.
وبعدها بيتم إختيار أفضل 8 مشاريع وبيتم التصويت من قبل الناس عشان يختارون أفضل 4 مشاريع واللي بتكون بالطبع هي الفايزة وبتتحقق أحلامهم .

وعشان الشخص المشترك يفوز لازم يسعى بكل الطرق إنه يروج لفكرته اللي شارك فيه في المشروع في شبكات التواصل الإجتماعي ومو بس كذا لازم كمان يحاول بقنع الناس ومتابعيه بمشروعة ويستخدم كل الوسائل الحديثة سواء صور أو الفيديوهات اللي بدورها تعكس شخصية المشارك وعشان كمان يصوتون له يحصل على دعم سامسونج اللي يطمح له.
أنا اشوف إن اي شخص في راسه فكرة طموحة لا يتردد ولا لحظة ويسعى لها بجدية مادام الفرصة متاحة، ومع تمنياتي بالتوفيق لكل من بيشارك.

وهذا الفيديو شوفوه .. وشوفوا محمد سعيد حارب صاحب فكرة مسلسل “فريج” اللي تكلم على إن الدعم أصعب شي في تحقيق الأحلام

samsung-wain