من خلال تجولي في الإنترنت .. دايم تلفت نظري مدونة “عالم التقنية” اللي تكتب عن كل ماهو جديد في عالم التكنولوجيا .. ولكن اليوم لاحظت موضوع إنه منسوخ من مدون أمريكي بدون الإشاره له و ذكر المصدر الحقيقي للمقال ؟

وأنا اللي لفت نظري لهذي المقال إن قد مر على هذا العنوان من فترة بس بالإنجليزي “لماذا يجب على آبل أن تشتري نوكيا؟” عشان كذا استغربت وقمت عملت بحث لقيت إن الموضوع بنفس الصيغة منسوخ من هذا الموضوع “Why Apple should acquire Nokia” !

وش كان بيضر الكاتب إنه يذكر إن المقال مو هو اللي كاتبه ؟ .. والغريب إن كيف مدونة عالم التقنية تقبل بمثل هذا الشي ؟

لين متى وبنات أفكارنا في سبات عميق ؟ لين متى بندور في هالدوامة !