أعمال وتقنية

تحذير لمستخدمين الآي فون ..

أمس جاني من صديقتي في الفيسبوك تحذير أمني مهم عن الـ آي فون وحبيت أشارككم فيه عشان تعم الفايده .. وهذا هو النص اللي قريته بالضبط:

حبيت اشارككم في موقف حصل معي للعبره واخذ الحيطه والحذر .

قررت قبل كم يوم أني اشغل جهازي آيفون ٥ اللي شريته من فتره لكن كنت عجزانه أحوس واعمل التحويل مع أني أساساً استخدم آيفون ٤ وآيفون ٣.

المهم أخيراً قررت ورحت على مقر stc اللي عند متجر النصر آخذ شريحه نانو لكن وجهوني لفرع ثاني اللي يستقبل النساء.

رحت الفرع القريب بدون تحديد أسماء ودخلت قبل آذان المغرب وأخذت رقم وجلست بجانب نساء أخريات في الانتظار.

شوي ولا يجي مدير الفرع بجلال قدره ويستفسر عن رقم الانتظار اللي معي وسعدت باهتمامه وحرصه وأنا أقول في خاطري ماشالله مدير ممتاز.

دقيقتين ويجي دوري وينادي علي موظف من مكتبه اللي مخصص لخدمة النساء ورحت وشرحت له طلبي. جاء المدير -مره ثانيه-و قام الموظف من مكتبه وخبره بطلبي وبعدين طلبوا مني أتوجه لمكتب المدير اللي في آخر الفرع نفذت المطلوب وتوجهت خلفه وقلت في خاطري ما شالله والله مدير حريص.

بعد ثواني حصلت على شريحتي- اللي ما كانت مستاهله كل هذي الحفله- وسألته لازم ادخل رمز معين عشان تتفعل ولا فقط استخدمها فوراً مع العلم أن عندي خدمة الشرائح المتعددة ؟

هنا طلب مني الأخ المدير افتح جهازي الآيفون واروح settings- general وبعدين قال عطيني أشوف رقم IMEI إذا ضروري ادخال رمز ولا مؤ ضروري، ذهلت وما اعرف كيف لكن بصعوبه بالغه رديت عليه شكراً اعتقد أني ما راح احتاج ادخل أي رموز وشكراً أخوي ما قصرت وتوجهت للباب وأنا ودي اركض ركض S: لأني في هذي اللحظه تذكرت معلومه جداً مهمه ؛

أن إذا شخص حصل على رقم IMEI لجهازك خلاص يقدر يتسلل لجهازك ويطلع على كافة رسائلك وصورك ومعلوماتك وايميلاتك وحتى يقدر يرسل رسائل برقمك باختصار يعمل لك hacking وأساساً ماله أي علاقه رقم IMEI هذا باستفساري واللي تأكد لي لحظتها أن الأخ للاسف كان يبي يستغفلني 🙁

العرب للاسف هم الوحيدين في العالم اللي مازال الفضول والحشريه يتخطا الحدود ويصبح تجسس وانتهاك خصوصيه وحب للفضائح عكس الأجانب اللي كل همهم من التجسس الحصول على أموالك وأرقام حساباتك البنكيه.

وأنا من قبل قد كتبت موضوع : مستخدمين أبل أحذركم .. لأن iCloud ممكن تضيعكم !

الوسوم

مقالات ذات صلة