قبل يومين قالت جريدة “غلوب أند ميل” إن الشركة الكندية RIM المصنعة لأجهزة البلاك بيري .. إنها لأول مرة من بداياتها تسجل تراجع في نسبة المشتركين.

وإن عدد المشتركين بدأ يبدأ بالتناقص وإن أكبر عدد وصل لمشتركين البلاك بيري هو 78 مليون مشترك .. والحين وصلوا 70 مليون مشترك..
وحسب الجريدة إن شركة RIM بتطلق نظامها بلاك بيري 10 اللي تأجل إطلاقه كذا مرة، وراح يبان إذا كان هذا النظام بينقذ شركة RIM أو إنها بتكون زوالهم.

بيني وبينكم من أول وحنا فرحانين بالبي بي مسنجر .. بس إتضح إن نظامهم ما قدر إنه ينافس مع بقية الشركات مثل أبل ونظامها IOS والشركات الأخرى مثل سامسونغ وHTC وسوني وموتوريلا وغيرها اللي تشتغل بنظام أندرويد والقادم إلى الساحة بدعم من نفس الشركات وهو نظام اللي تنتجة عملاقة البرمجيات مايكروسوفت ونظامها ويندوز فون.

والحين كل التطبيقات اللي في أنظمة الهواتف الأخرى فيها نفس الخصائص وهي تبادل للصور والملفات ومحادثات فورية وغيرها من التطبيقات ..